Goierriko Hitza

Berdintasuna zabaltzeko bidean bailarako seigarren foroa egingo dute gaur

Goierri ðð Eraldatzen elkarteak antolatu du eta Zelai Arizti kultur etxean izango da gaur 90:30etik 14:00etara.

m. luki

Urola Garaia bailara mailan Eraldatzen emakume elkarteak Berdintasunerako Foroa antolatzen duen seigarren aldia da aurtengoa. Foroa gaur izango da, eta kasu honetarako Berdintasuna zabalduz leloa aukeratu dute Eraldatzeneko emakumeek.

Zumarragako Zelai Arizti kultur etxean egingo dute jardunaldia. Goizeko bederatziak eta erdian emango badiote ere ofizialki hasiera, ordu erdi lehenago hasiko dira materialak banatzen eta akreditazioak ematen.

Mahai-ingurua

Hamarrak eta laurdenean lehenengo mahai-ingurua egingo dute. Bertan aurten Goierri garaian berdintasuna bultzatzeko egindako lanak izango dituzte hizpide. Mahai-inguru horretan gaian lanean ari diren bailarako eragileek parte hartuko dute.

Gaurko foroan garrantzi berezia eman nahi diote emakume etorkinen errealitateari, eta gai horri buruzko eztabaida egingo dute goizeko hamaiketan. Mugak zabalduz, beste lurralde batzuetatik etorritako emakumeen parte-hartzea elkarte guneetan izendatu dute eztabaida, eta emakume etorkinak biltzen dituzten elkarte desberdinetako kideek parte hartuko dute. Bide batez, Eraldatzen elkartearen baitan gai horren inguruan egindako lanak ere aurkeztuko dituzte.

Genero ikuspegia udaletan

12:30ean genero ikuspegia udal-jardueran nola islatzen den aztertuko dute. Udalen mailan teknikari lanean ari direnek hartuko dute hitza foroaren azken mahai-inguruan. Galderekin eta ekarpenekin amaituko dute.